අඹ ගෙඩිය

ශිව දෙවියන් සහ පාර්වතී දේවියට පුතුන් දෙදෙනෙකු විය ඉන් එක් පුත්‍රයෙකු ගණ දෙවියන් වන අතර අනෙක් පුත්‍රයා කතරගම දෙවියන් වේ.මෙකල දෙවුලොව සිටි තවත් ප්‍රබල දෙවු කෙනෙකු වූ නාරද දෙවි තුමා දිනක් ශිව දෙවියන් සහ පාර්වතී දෙවියන් බැලීමට පැමිනියේය.නාරද දෙවිතුමා තමා අත වූ අඹ ගෙඩියක් ශිව දෙවියන්

ට පෙන්වා මෙසේ කීය.  

"ශිව දෙවි තුමනි,මේඅඹ ගෙඩිය ඉතාම වටිනා එකක්.මෙය අනුභව කරන්නා ලොව සිටින නැණවත්ම පුද්ගලයා බවට පත් වනවා.මෙම අබ ගෙඩිය හඳුන්වනේ   ඤාන ඵලම් කියායි.ඒ නිසාඔබේ එක් දරුවෙකුට මෙම අඹ ගෙඩිය අනුභව කරන්න දෙන්න එවිට ඔහු ඉතා ඤානවන්ත වේවි."

මේ කතාව අසා සිටි පාර්වතී දේවිය වෙනත් යෝජනාවක් කළා.E තමයි අපි අඹ ගෙඩිය දෙකට කපා දරුවන් දෙදෙනාට අනභව කිරීමට දෙමු. ඉන් පසු නාරද දෙවි තුමා සිනාසී මෙසේ පැවසීය.

"අඹ ගෙඩිය අනභවය කිරීමට හැකියාව ඇත්තේ එක අයෙකුට පමනයි.එසේ වූවොත් පමනයි ඉන් නියමිත ප්‍රතිපල ලැබෙන්නේ."

ශිව දෙවිතුමා දැන සිටියා නාරද දෙවි තුමා ඉතා ප්‍රභල කෙනෙකු ලෙස මේ කරනු ලබන යෝජනාව ඉවත දමන්නට බැරි බව. ඒ අනුව නාරද දෙවිතුමා අපූරු තරඟයක් යෝජනා කලා. ඒ ලෝකය වටා රවුමක් ගොස් ඉක්මනින්  පැමිනෙන කෙනාට ඤානපලම් අඹ ගෙඩිය ලබා දීම

කතරගම දෙවියන් තමන්ගේ වාහනය වූ මොණරා මත නැගී ලොව වටා යන්නට ගමන් ආරම්භ කලා. ගණ දෙවි තුමා තමන්ගේ මහත උදරය සහිත ශරීරය සමග ඉතා අසීරුවෙන් ගමන යන්නට සූදානම වූයේ තමන්ගේ වාහනය වූ මියා මතින්. ගමන ආරම්භ කිරීමට පෙර ගණ දෙවියන් නාරද දෙවිතුමාගෙන් අපූරු ප්‍රශ්නයක් විමසා සිටියා.

"නාරද දෙවි තුමනි,අපිට තිබෙන වටිනාම වස්තුව දෙමවුපියන් නේද.? අපේ මුලු ලෝකයම අම්මා තාත්තා බවයි මට දැනෙන්නේ"

එවිට නාරද දෙවිතුමා මෙසේ කීවේය.

"ඔවු , අපි කාගෙත් ලෝකය අපේ දෙමවුපියන්. දෙමවුපියන් නොමැතිනම් මේ ලෝකයත් නැහැ."

එම අවස්ථාවේදිම ගණ දෙවියන් සිය දෙමවුපියන් වන ශිව දෙවියන් සහා පාර්වතී මෑණියන් වටා වටා රවුමක් ගොස් නාරද දෙවිතුමා වෙත පැමින ඤාන අඹ ගෙඩිය ඉල්ලා සිටියේය ඉන් බෙහෙවින් සතුටට පත් නාරද  දෙවිතුමා තුන් ලොවටම අධිපති වන බලය හිමි අඹ ගෙඩිය ගණ දෙවියන් වෙත අනුභව කිරීමට ලබා දුන්නේය..